Array ( ) არ დაკარგო კავშირი გარე სამყაროსთან McDrive.ge - საუკეთესო ავტოსკოლა
შეცვალეთ ბილეთების ენა
 
 
არ დაკარგო კავშირი გარე სამყაროსთან
დათუნა ოძელაშვილის ბლოგიდან
თარიღი: 18.08.2019
406
ნახვა
29

მართე უსაფრთხოდ! 

ვერ უარვყოფთ, რომ ავტომობილის მართვა სასიამოვნოა და თანამედროვე ტემპის გათვალისწინებით ძალიან საჭიროც. მიუხედავად ამისა, არ უნდა დაგვავიწყდეს, რომ მას დიდი დარტყმის მოყენება და ჩვენი ფატალურ შედეგამდე მიყვანა შეუძლია. 

არ მინდა ძალიან სევდიან გამებში გადავეშვა და ჩემი საუბარი მკაცრი დამრიგებლის მონოტონურ მონოლოგს დავამსგავსო, თუმცა, ხომ ვიცით, რომ სიცოცხლესა და ჯანმრთელობაზე ძვირფასი არაფერია! ამიტომ, გთხოვთ, ყოველდღიურად შევახსენოთ საკუთარ თავებს, რომ ზედმიწევნით ფაქიზად მოვეკიდოთ მართვის პროცესს, რომ თავად არ გავხდეთ რისკების ზრდის წყარო - თითქოს უმნიშვნელო, თუმცა სახიფათო ქმედებების განხორციელებით. 

 

არანაირი ყურსასმენი და მუსიკა ბოლო ხმაზე! 

ყურსასმენის გამოყენება ან მაქსიმალურ ხმაზე ჩართული მუსიკა ავტომობილის სალონში, დახურული ფანჯრები და მოდუნება, მოწყვეტა, სხვა სამყაროში გადასვლა.. აი, რა შეიძლება დაემართოს თქვენს ყურადღებას, თუ კი მოწყდებით საგზაო მოძრაობის პროცესს და მუსიკას გაჰყვებით. აუცილებელია, გესმოდეთ ხმები გარესამყაროდან: საბურავების, ძრავის, სიგნალების.. 

 

ხელს ნუ დააკავებთ, ნუ გაიზრდით რეაქციის დროს!

საავარიო სიტუაციის წარმოშობის შემთხვევაში, ინსტიქტურად მძღოლი ცდილობს ორივე ხელით აღიდგინოს კავშირი საჭესთან და დაიმორჩილოს ავტომობილი მთელი ძალებით!  თუ კი თქვენ რომელიმე ხელით ცხელ ყავას მიირთვევდით და უეცრად საავარიო სიტუაციის წარმოშობაში დარწმუნდით, მაშინვე იწყებთ მოქმედებას! იცით, ამ შემთხვევაში, რას ფიქრობთ პირველს? რა უქნათ ხელში დაჭერილ ფინჯან ცხელ სითხეს: მოისროლოთ და დასვაროთ სალონი, შეახეთქოთ საქარე მინას და სწრაფად გადაერთოთ მოძრაობაზე, თუ იქნებ სულაც, უბრალოდ, ხელი გაუშვათ და ზედ გადაისხათ.. თქვენი რეაქციის დრო გაიზარდა და უშუალოდ მოსალოდნელ საფრთხეზე ცნობიერი მხოლოდ რამდენიმე საჭირო წამის შემდეგ გადაერთო, რამეთუ მას ჯერ სხვა რამ ჰქონდა გადასაწყვეტი: არასაჭირო ადგილას მოხვედრილი საყვარელი ყავის ბედი!..

 

გაიგე მეტი

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი