Array ( ) მინდა წარმოგიდგინო 10 პუნქტისგან შემდგარი ციკლი იმის შესახებ, თუ რატომ შეგიყვარდება ემსი დრაივი აუცილებლად Emsi.ge - შენი ავტოსკოლა - შენი მართვის მოწმობისთვის / It's your Driving School
შეცვალეთ ბილეთების ენა
 
 
მინდა წარმოგიდგინო 10 პუნქტისგან შემდგარი ციკლი იმის შესახებ, თუ რატომ შეგიყვარდება ემსი დრაივი აუცილებლად
ელენე შუშანაშვილის ბლოგიდან
თარიღი: 12-11-2019
1805
ნახვა
144

#3 ისტორია

ეს წუთია თქვენ იმ სტატიის კითხვა დაიწყეთ, რომელშიც უნდა მომეყოლა საქმენი საგმირონია იმ გუნდისა, რომლის წევრიც მე თვითონვე ვარ, მაგრამ ეს დავალება დიდად არ მეპიტნავა, ამიტომ გადავწყვიტე სხვა ამბავი მოგიყვეთ.

უპირველეს ყოვლისა, გეტყვით საიდან დაიწყო ეს ყველაფერი, ანუ როგორ მოვხვდი აქ და როგორ მერგო ქოფირაითერის ფრიად საპასუხისმგებლო ტიტული.

მოგეხსენებათ, ემსი დრაივი 2014 წელს გამოიჩეკა. იმ დროს, ერთობ უახლესი წარსულია, მაგრამ ამ სფეროში მაინც საშინელი პოსტ-სსრკ ამინდი ბატონობდა, სუსხიანი და კერასინკისსუნიანი. არ არსებობდა არანაირი სტანდარტი, ხარისხი, მომსახურება, მარკეტინგი, მაღალი თამასა და სხვანი და სხვანი. თვითონ სიტყვა ავტოსკოლაც, ჩემთვისაც და ყველასთვის, ასოცირდებოდა მომცრო, მოღლეტილკედლებიან, უსახურ ოთახთან სამთო ქიმიისმაგვარ შენობაში, რამდენიმე სკამით და ყოვლად გაურკვეველი წიგნით, მე ვიტყოდი, სახელმძღვანელოთი, რომლითაც ხელმძღვანელი ხელმძღვანელობდა. სამთო ქიმია შორიდან მაინც თუ დაგინახავთ, ზუსტად მიხვდებით რას წარმოადგენდა ავტოსკოლა მაშინ.

ჰოდა, მერე ჩვენ, ორმა კინკილა ძალიან ახალგაზრდა სტუდენტმა, რომლებსაც არაფერი გაგვეგებოდა ბიზნესის წარმოებაში და საერთოდ რამის წარმოებაში, გავხსენით რაღაც სასწავლო ცენტრისმაგვარი და აღმოვაჩინეთ, რომ სწორედ ეს არეალი იყო ყველაზე საინტერესო იმ სერვისებიდან, რის გაწევასაც ვაპირებდით მომხმარებლისთვის. ამიტომ მივატოვეთ ყველაფერი, გარდა ავტოსკოლისა და ვკონცენტრირდით მხოლოდ მასზე.

ბაზარი იმდენად მოტიტვლებული იყო, რომ ამაზე კარგ სივრცეს ვერც ვიპოვიდით, ანუ ასეთი ხელშეუხებელი და განსავითარებელი საქართველოში მხოლოდ ღია კოსმოსში მთამსვლელ მეთევზეთა მისიონერული კლუბი შეიძლება ყოფილიყო. ერთი სიტყვით, სფერო ასაყვავებლად გვიხმობდა.

აქ არ მოვყვები განვითარების ისტორიას დეტალებში, მაგრამ მაინც გეტყვით, რომ სიცარიელე ავტომატურად არ იძლევა იმის შესაძლებლობას, რომ ზუსტად იქ შეაყენო შენი ხომალდი, სადაც გინდა და თანაც ზუსტად ისე, როგორც შენ გინდა. ესე იგი, სიცარიელე არ ნიშნავს სიმარტივეს.

აი, ასე შეგვრჩა უდიპლომო სასიძო - სიძედ.

5 წლის შემდეგ ეკიპაჟის წევრთა რაოდენობა 8-ჯერ არის გაზრდილი, ჩვენი ხომალდიც მთლიანად გაციფრულდა და კონცეფციას, რომელზეც ემსი დრაივი დგას, საერთოდ აღარაფერი აკავშირებს იმ რეალობასთან, რაც აქ ჩვენ მოსვლამდე იყო.

სიმართლე გითხრათ, ზუსტად არ მახსოვს როდის და როგორ გარდავიქმენი ქოფირაითერად (სულ ეგ კი არ ვიყავი), მაგრამ შემდეგ სტატიაში მოგიყვებით რას ვაკეთებთ აქ, ფარდის მიღმა.

 


 

 პირველი მიზეზი ჩვენი სიყვარულისა - დამხმარე ლიტერატურა

← მეორე მიზეზი ჩვენი სიყვარულისა - შედეგი

 

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი